|
|
 |
 Здравјето е безмерно богатство кое не може да се купи, да се замени ниту да се надомести со какво и да е друго земно богатство ако тоа се наруши или се загуби. Со право се вели дека најсиромашните луѓе со добро здравје се побогати и од најбогатите со нарушено здравје, за чијашто вредност ние често не сме свесни додека не го загубиме. А кога ќе го загубиме, тогаш кај нас настапува лута жалост, неизвесност и силна тревога, ја губиме почвата под нозете, влегуваме во беспоштедна битка и не штедиме ни време, ни труд, ни пари за да го повратиме, ако воопшто тоа може да се поврати и обнови.
За нашето здравје е заинтересиран и нашиот Бог-Творец, кој не создал, и неговата Реч, Библијата, во којашто читаме: “Љубезен, се молам на Бога да ти биде добро во се, и да бидеш здрав, како што и е добро на твојата душа” (3. Јованово послание 2. стих).
Од тие причини, христијаните адвентисти на здравјето му придаваат голема важност така што се придржуваат кон упатствата за исхрана што Бог му ги дал на својот народ во Библијата и кон најновите медицински сознанија од таа област. Затоа не е случајно што светските анализи и анкети покажуваат дека адвентистите уживаат подобро здравје од другите луѓе.
За пионерските активности на христијаните адвентисти на полето на здравството, поопширно во рубриката „повеќе”.
|
|
| Ви препорачуваме |
|
|
|
|
