Спортско рекреативно друштво ГОФЕР - Скопје Ул. Влае бр. 42, 1000 Скопје, тел. 02/2048-038

Во април, 2005 година, во рамките на Христијанската Адвентистичка црква, основано е спортско рекреативно друштво под име „ГОФЕР“. Целта на ова друштво е преку различни проекти од јавен интерес во Македонија да се промовира здравствената реформа и воопшто здравиот начин на живот. Предвидени се разни семинари за здрава исхрана а исто така и одржување на најразлични спортско-рекреативни активности.

Во Колешино е одржан состанок на сите членови каде се предвидени следниве активности:

1. Извиднички летен камп во 2006 г. за нашите деца од цела Македонија,
   
   
2. Турнир во мал фудбал во Скопје на крајот од месец мај 2006 г.

До сега фудбалската екипата од Скопје гостуваше на спортските турнири во Загреб, Љубљана и Пловдив, каде во саботите во месните цркви го славевме Бога заедно со останатите екипи, а во неделите се дружевме преку спортските активности.
Вредно е да се напомене дека на сите овие дружења владееше вистинско братско заедништво и вистински фер-плеј однос.

Во Пловдив од 23 екипи, екипата од Скопје го освои првото место. Но и покрај ваквите резултати, најважно беше учеството и пред се дружењето со нашите браќа и сестри од други држави.

„ГОФЕР“ има поставено пред себе високи цели и големи планови, и се надеваме дека со Божја помош и Ваша соработка тие ќе се остварат.

Ванчо Трајковски

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков