Никола Христовски
Дали постои Бог?

Јас сум Никола Христовски, живеам во Скопје, имам 27 години. Работам во „Семеен магазин“ како професионален фотограф.

Како за прв пат дојдовте во контакт со Библијата?
За Библијата дознав преку мојата братучетка, која исто така е христијанка. Тоа беше пред околу 8 години. Таа не само што ми кажа за Библијата туку и ми објасни што всушност преставуваа таа и за што зборува.

Што беше тоа што Ве привлече?
Мислам дека не се работеше за тоа дека нешто ме привлече, туку мојот интерес за прашањето: „дали постои Бог?“. Отсекогаш ме мачеше таа мисла.

Одговор на тоа прашање добив преку искуство. Во тоа време бев православен верник, но ништо повеќе од просечен православен христијанин. Многу интересно, но, иако се сметав за православен христијанин, не бев сигурен дали Бог постои или како постои!

Во тој период братучетка ми ми зборуваше за Библијата и за Бог. Една вечер си легнав со безброј прашања во главата меѓу кои прво и најважно беше: „дали постои Бог?“. И тогаш, бидејќи сакав да престанам со пушењето, реков: „Боже, (тоа беше мојата прва и најкратка молитва) ако постоиш и ако е вистина се она што братучетка ми ми го кажа, тогаш помогни ми од утре да престанам да пушам“. До ден денес не сум запалил ни една цигара. Тоа беше за мене многу впечатливо искуство!

Тогаш бев на одмор. Кога се вратив од одмор отидов во Адвентистичка црква затоа што во мене растеше интересот подлабоко да ја проучувам Библијата.

Зошто баш адвентистичката а не некоја друга црква?
Иако братучетка ми беше адвентист, не ги прифатив адвентистичките верувања и погледи заради неа, туку заради библиската заснованост на секое од нив. Всушност луѓето во црквата така и ме пречекаа - со став дека јас лично треба да се уверам во вистинитоста на се она што ми го кажуваа или пак го слушав на проповедите во црквата.

Кога изразив желба да станам адвентист и да се крстам според примерот на Исус, останатите верници сакаа да се осигураат дали правилно ја разбирам Библијата и дали мојата одлука е цврсто втемелена на Библиските вистини. Тоа уште повеќе ме увери дека сум на вистинското место!

Што значи во Вашиот секојдневен живот тоа што сега сте адвентист?
Сега како адвентист за разлика од оние денови кога не верував во Бога, кога не ја познавав Библијата, кога не ја проучував, има голема разлика во мојот живот. Не станав адвентист само за да станам адвентист или чисто, така, да променам нешто во мојот живот или туку-така, станав адвентист бидејќи открив дека Бог постои, дека Бог ме сака и нормално кога ќе откриеш дека тоа е вистина и кога ќе ја осознаеш Божјата љубов, едноставно предизвикува кај тебе мотивација да го промениш својот начин на живот и да го ускладиш според Божјата волја.

Што значи за мене тоа што сум адвентист? Па, значи променет живот на подобро за разлика од некогаш кога не сум го познавал Бога.

Дали тоа значи дека сега ти е подобро?
Сепак проблеми си има, не сме имуни на нив, меѓутоа некако со поинакви очила ги гледаш нештата околу себе. Мислам, самата помисла дека Бог е присутен, дека се грижи за тебе, без разлика во каква ситуација доаѓаш Бог е тука - тоа ги менува погледите.

Што би им порачале на вашите сограѓани?
На моите сограѓани им порачувам: проучувајте ја Библијата!

 

 

Утре читајте:
Слободанка Тасевска
Израснав во адвенти-
стичко семејство

Израснав во адвентистичко семејство меѓу извонредно добри и вистински верници христијани, слушајќи и учејќи од Библијата библиска наука од Бога и за Бога која ми стана убава и мила и која целосно ме обзеде и проникна.

 

Моето лично искуство
Доколку сте адвентист/ка испратете ни го Вашето искуство и збогатете ја нашате рубрика.
isprati


Чичко ми од Ѓокдере маало
"...нас децата нe бркале на улица за да немаме контакт со нив, за случајно некој од нас да не чуе за нивната „чудна вера“..." (повеќе)

Смисла и цел во животот
"...иако имавме доволно пари, одевеме на забави, на годишни одмори, имавме доста пријатели, сепак не бевме среќни..." (повеќе)

„Мала пажња!“
"......во соседната соба најдов плакат за некакви археолошко-библиски предавања во Дом на АРМ од Питер Роенфилд. Го разгледав, но бидејки тоа беше собата на еден студент со кој тогаш се бевме нешто замериле, ми беше непријатно да го земам. Си отидов во мојата соба, но мислите ми беа кај плакатот. Не поминаа неколку минути и на вратата се појави тој со плакатот во раката, ми го подаде и со израз кој покажуваше желба да се смириме, ми рече: “Мала пажња!”." (повеќе)

„Одговорите доаѓаа по логичен ред“
"...Страниците од Библијата ми ја гаснеа жедта, зошто одговорите на дотогаш стотици поставени прашања во животот, доаѓаа по логичен ред" (повеќе)

 
Адвентистите во Светот Адвентистите во Македонија Верувања Литература Здрав живот Детско катче Најчести прашања Контакти
Почетна страна | Врати се на почетокот од оваа страна | Препорачај ја странава на пријател

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков