“Основни вистини на Светото писмо” е книга произлезена од перото на еминентниот теолог и професор по црковна историја, Мирко Голубиќ, плоден адвентистички писател, кој зад себе остави многубројни високо ценети и вредни теолошки дела кои со уживање ги читаат илјадници читатели здобивајќи се со важни изворни библиски сознанија за патот по кој треба да одат за да стигнат и да го пречекорат прагот на Божјето царство и да влезат во вечен живот.

Во оваа своја книга на 170 страници авторот на мошне лесен и едноставен начин ни нуди систематско проучување на основните вистини на Светото писмо, тематски, низ 32 теми, комплетно ја обработува суштината на целокупната библиска наука, Библијата, велиме, на начин разбирлив и прифатлив за секого.