Милка Ицкова
Смисла и цел во животот

Се викам Милка Ицкова, живеам во Велес, имам 49 години, мажена, мајка на две деца. Работам во фабриката за конец „Ветекс“ од Велес. Од 1972 година сум во брак со мојот сопруг Димче. Добивме две деца и живеевме во иста куќа со неговите родители.


Како дојдовте за прв пат во контакт со Библијата?
Во семејството не се обрнуваше посебно внимание на религијата, освен за време на поголемите верски празници кога одевме во православна црква без некое посебно познавање за Бога и верата. Мајката на мојот свекор била адвентист, но за тоа јас ништо не знаев, бидејќи никој не зборуваше за тоа. Сестрата на свекор ми, исто така беше адвентист, но таа многу ретко доаѓаше во нашата куќа, и јас скоро ништо не знаев за неа. Во 1983 година, кога нашата ќерка имаше една година, ни требаше некој кој ќе ја чува додека ние двајцата сме на работа. Тогаш нашата тетка (Цвета Панова) остана сама, бидејќи нејзиниот сопруг почина, па ние и предложивме да живее со нас и да ни помага околу децата додека ние сме на работа. Таа се согласи. Дојде во нашиот дом и живееше со нас 5-6 месеци.

Понекогаш ни кажуваше за Библијата, но ние не бевме нешто посебно заинтересирани. Секој петок попладне, сабота наутро и навечер, одеше во Адвентистичката црква, но јас не ја прашував ништо, ми беше важно само да ми помага околу децата. Откако замина од нашиот дом ние продолживме да живееме како и пред тоа. Иако имавме доволно пари и одевеме на забави, на годишни одмори, имавме доста пријатели, сепак не бевме среќни. Во нашите срца немаше мир, немавме некоја посебна цел во животот, секој ден се чувствувавме сe поотуѓени. Јас почнав почесто да одам во православната црква и сe поревно ги прифаќав обичаите, мислејќи дека на тој начин ќе се промени нешто во нашиот живот, дека ќе ни биде подобро во бракот и во животот. Но, промена немаше! Поминаа 10 години, а јас се уште ништо не знаев за Библијата.

Еден разговор со тетка Цвета, од темел го промени мојот живот. Меѓу другото таа ми кажа некои работи кои јас никогаш порано ги немав чуено. Посебно ми нагласи: „кога би знаела кој ден е седми ден и какво е неговото значење, многу работи во вашиот живот ќе се изменат.“ Ми рече: „Кога ќе одиш во црква прашај го свештеникот кој е седми ден.“ Јас и реков дека нема потреба да прашувам бидејќи си знам дека недела е седми ден. Но, сепак кога следната недела отидов во црква, бев изненадена од одговорот на свештеникот дека седми ден е сабота! Кога го прашав од каде знае за тоа, ми рече дека така пишува во Библијата. По краткиот разговор со него, кај мене се јави желба да дознаам повеќе за тоа што пишува во Библијата. Така при следната средба со тетка Цвета и реков да ми набави Библија. Почнав да ја читам и напоредно да го изучувам библискиот курс на Дописната библиска школа. Сакав да ја дознаам вистината за Бога. Читајќи ја Библијата и изучувајќи го курсот на Дописната библиска школа, добив одговор на многу прашања на кои дотогаш немав одговор. Од каде обичаите? Дали Божјиот закон може да се промени? Од каде потекнува неделата? Каква е состојбата на мртвите? Кој е Бог? Каков е Бог? итн.

Зошто баш адвентистичката црква?
По шест месеци проучување на Библијата почнав да ја посетувам Адвентистичката црква. Слушнав проповеди (излагања) кои во целост се согласуваа со Библијата. Бев сигурна дека таа е вистинската црква што Бог ја има на Земјата, бидејќи ги има карактеристиките кои се забележани во Библијата (во Откровение 14,12): „Тука е трпението на светите; тука се оние што ги пазат заповедите Божји и верата во Исуса.“

По една година од мојата прва средба со Библијата, јас одлучив да стапам во редовите на Божјиот народ на земјата. На 7-ми август 1993 година направив завет со Бога по пат на библиско крштевање и станав христијанка-адвентист.

Што значи за Вас денес, тоа што сте христијанка-адвентист?
Со прифаќањето на библиската вера мојот живот во целост се измени. Гледајќи ја промената во мојот живот, и мојот сопруг, кој на почетокот се противеше на мојата одлука, по 10 години одлучи да стане адвентист.

Верата во Бога во нашите животи направи голема промена. Сега со мојот сопруг имаме смисла и цел во животот. Во нашите срца има мир и радост, и покрај тешките времиња во кои живееме. Сега одиме по сигурен пат зашто Бог ни го откри минатото, сегашноста и иднината.

Сега имам посебна цел за која живеам и работам. Покрај дневните обврски што ги имам на работа и дома, моја посебна цел е да ги запознаам луѓето со спасоносната вистина, со Божјата безусловна љубов и со близината на Второто Христово доаѓање.

Што би им порачале на своите сограѓани?
Би сакала на моите сограѓани да им порачам да не останат во темнината кога светлината толку силно свети, само треба да ја отворат Библијата и да ја запознаат вистината. Моја желба за моите сограѓани е да се исполнат зборовите од Библијата запишани во Псалм 67,1-2: „Боже, биди милостив кон нас и благослови нe; осветли нe со лицето Свое и помилуј нe, за да го познаат на земјата патот Твој и меѓу сите народи спасението од Тебе.“

Ако некој, кој ќе го прочита ова мое искуство на обратување кон Бога се заинтересира да дознае нешто повеќе за него, слободно нека ме побара на адреса: ул. Загребска бр. 4, Велес или на телефон 043/228-851.

 

 

Утре читајте:
Слободанка Тасевска
Израснав во адвенти-
стичко семејство

Израснав во адвентистичко семејство меѓу извонредно добри и вистински верници христијани, слушајќи и учејќи од Библијата библиска наука од Бога и за Бога која ми стана убава и мила и која целосно ме обзеде и проникна.

 

Моето лично искуство
Доколку сте адвентист/ка испратете ни го Вашето искуство и збогатете ја нашате рубрика.
isprati


Чичко ми од Ѓокдере маало
"...нас децата нe бркале на улица за да немаме контакт со нив, за случајно некој од нас да не чуе за нивната „чудна вера“..." (повеќе)

„Мала пажња!“
"......во соседната соба најдов плакат за некакви археолошко-библиски предавања во Дом на АРМ од Питер Роенфилд. Го разгледав, но бидејки тоа беше собата на еден студент со кој тогаш се бевме нешто замериле, ми беше непријатно да го земам. Си отидов во мојата соба, но мислите ми беа кај плакатот. Не поминаа неколку минути и на вратата се појави тој со плакатот во раката, ми го подаде и со израз кој покажуваше желба да се смириме, ми рече: “Мала пажња!”." (повеќе)

Дали постои Бог?
"......не се работеше за тоа дека нешто ме привлече, туку мојот интерес за прашањето: „дали постои Бог?“. Отсекогаш ме мачеше таа мисла..." (повеќе)

„Одговорите доаѓаа по логичен ред“
"...Страниците од Библијата ми ја гаснеа жедта, зошто одговорите на дотогаш стотици поставени прашања во животот, доаѓаа по логичен ред" (повеќе)

 
Адвентистите во Светот Адвентистите во Македонија Верувања Литература Здрав живот Детско катче Најчести прашања Контакти
Почетна страна | Врати се на почетокот од оваа страна | Препорачај ја странава на пријател

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков