Силвана и Виктор Милковски
„кој ја извршува Божјата волја останува довека!“

Се викам Силвана Милковска. Мојот сопруг се вика Виктор. Имаме едно прекрасно синче кое се вика Андреј. По професија сум стоматолог, а мојот сопруг веке подолго време работи во една приватна фирма за изработка на завеси.

Како дојдовте во контакт со Библијата?
Моите првични сознанија за Библијата и за постоењето на Бог потекнуваат уште од раното детство. Во нашиот дом имавме Библија, како и повеќе други книги со религиозна содржина кои и припагаа на мојата мајка која потекнува од адвентистичко семејство. Мојот дедо честопати доаѓаше кај нас дома и ни раскажуваше по некој настан од Библијата и скоро секогаш се молевме за благослов на храната пред јадење. Така за молитвата како еден начин на комуницирање со Бога знаев уште од детството. Многу често му се обраќав на Бога во молитва да ме чува, да ми помогне во учењето и да го води мојот живот.

Кога дојдоа тинејџерските години, влијанието на друштвото беше посилно од се друго. Тоа беше време кога помалку размислував за Бога. Но, колку и да беа привлечни забавите, излегувањата, дружењата со моите пријатели, сепак копнежот за Бог тлееше во моето срце. Од време на време присуствував на проучувањата на Библијата што ги одржуваше адвентистичката црква секоја сабота. Тоа беше време кога можев да слушам за Бог и да размислувам за начинот на кој го живеам мојот живот.

Секогаш посакував да најдам некоја личност со која ќе ја делам мојата вера и ќе живеам според христијанските принципи, за кои сметам дека се идеал за човечкиот живот.

При крајот на втората година на моите студии на медицинскиот факултет, се запознав со Виктор. Уште во првите контакти со него го приметив неговиот интерес за постоењето на Бог. Тоа посебно ме привлече и одлучив тоа дружење да продолжи. Често се гледавме и разговаравме за нашата вера во Бог. По кратко време почнавме заедно да ја посетуваме адвентистичката црква. Увидовме дека учењата на црквата се во потполна согласност со она што го читавме во Библијата.

По две години одлучивме да станеме адвентисти и јавно да ја изразиме својата вера преку чинот на крштевање, онака како што вели Библијата: „оној што ќе поверува и ќе се крсти ќе биде спасен!“.

Јас и Виктор се дружевме околу 5 години, и нашето дружење заврши со одлуката за заеднички живот.

Што би сакале да им порачате на вашите сограѓани?
На нашите сограѓани би сакале да им ги упатиме следниве библиски цитати:

„Бог е љубов, и кој останува во љубовта останува во Бога и Бог останува во него. Не сакајте го светот, ниту она што е во светот. Ако некој го сака светот, љубовта од Бога Таткото не е во него, зошто се што е во светот: похота на телото, желбата на очите и гордоста на животот, не е од Таткото туку од светот, а светот поминува и желбата негова, но кој ја извршува Божјата волја ОСТАНУВА ДОВЕКА!“

 

 

Утре читајте:
Александра Арсовска
Растев со Исус

По природа сум многу темпераментна личност и од секогаш бев весела, но сега бев исполнета, исполнета зашто растев со Исус…

 

Моето лично искуство
Доколку сте адвентист/ка испратете ни го Вашето искуство и збогатете ја нашате рубрика.
isprati


Црквата од мојот сон
"......од ден во ден стоев пред домашната икона и се молев за здравје и благослов за мене и за моето семејство... но ситуацијата не се подобруваше..." (повеќе)

Дали постои Бог?
"......не се работеше за тоа дека нешто ме привлече, туку мојот интерес за прашањето: „дали постои Бог?“. Отсекогаш ме мачеше таа мисла..." (повеќе)

„Одговорите доаѓаа по логичен ред“
"...Страниците од Библијата ми ја гаснеа жедта, зошто одговорите на дотогаш стотици поставени прашања во животот, доаѓаа по логичен ред" (повеќе)

Библија во Австралија
"...читајќи ја Библијата од една страна и споредувајќи го прочитаното со дневниот печат и вестите на телевизија, бев воодушевен од сознанието дека сето тоа запишано толку одамна се исполнува пред моите очи." (повеќе)

 
Адвентистите во Светот Адвентистите во Македонија Верувања Литература Здрав живот Детско катче Најчести прашања Контакти
Почетна страна | Врати се на почетокот од оваа страна | Препорачај ја странава на пријател

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков