Марија Златановска
„Одговорите доаѓаа по логичен ред“

Се викам Марија Златановска, живеам во Скопје, вдовица сум и мајка на две деца. Работам како професор по музичко образование и хороводач во основно училиште.

Како за прв пат дојдовте во контакт со Библијата?
Моето прво вработување по завршувањето на студиите беше во музичко училиште, 40 км од местото на живеење. Една учебна година се ослободи едно работно место и добивме нов колега. Секојдневно патот до работното место го поминувавме заедно со меѓуградски автобус. Колегата секогаш читаше нешто, многу сериозно задлабочен во текстот. Мене, пак, постојано ме копкаше љубопитноста и се прашував: „што е тоа што му е толку интересно за читање?“.

Еднаш, кога се качив во автобусот, имаше слободно седиште до него, и јас ја искористив можноста да седнам и побарам одговор на прашањето што ме копкаше одвнатре. Тој се насмевна и ми кажа дека ја чита Библијата. Рече дека тоа му е омилената книга и дека е исполнет со мир и радост додека размислува за прочитаното. Ми ја подаде Библијата во раце и ми понуди да ја разгледам. Прв пат во животот ја држев Светата книга.

Прочитав неколку глави од Библијата, но некои текстови не можев да ги разберам. Побарав објаснување од колегата и добив мала тенка книгичка каде беа објаснети стиховите. Местото каде што читав беше „Песна над песните“, поетски најсилна книга од Библијата. Навистина ме исполни со радост.

Што беше тоа што Ве привлече?
Страниците од Библијата ми ја гаснеа жедта, зашто одговорите на дотогаш стотици поставени прашања во животот, доаѓаа по логичен ред. Почувствував дека душата ми се полни со цврсти вистини и се остварува долгогодишниот копнеж за одговорите на прашањата: зошто страдања, зошто тага, смрт?

Колегата од училиштето беше член на Адвентистичката црква и еднаш бев поканета да присуствувам на концерт на духовна музика во црквата. Бев воодушевена од редот, дисциплината и светоста што се чувствуваше во салата. Чувствував дека тој ден ќе донесам нова одлука во мојот живот.

Одлучив да ја проучувам Библијата уште подлабоко затоа што се случуваа големи промени кај мене. Секој ден ми беше содржаен, важен и значаен зошто имав по една нова средба, средбата со мојот Бог кого сега го запознавав преку Библијата. Научив да се молам и да му ги кажувам на мојот пријател, Исус, сите потешкотии и грижи што ме оптоваруваа. Од Библијата разбрав дека Тој ме сака неизмерно, ме заштитува секојдневно и дека својот живот го жртвувал за мене. Одамна сакав да имам таков верен пријател и неизмерно сум среќна што го пронајдов.

Зошто се одлучивте баш за Адвентистичката црква?
Сметам дека Адвентистичката црква е вистинската црква зашто во своето начело ги почитува сите десет Божји заповеди. Посебно го сакам саботниот ден зашто Господ го посветил и благословил како завет на пријателство помеѓу Него и човекот.

Што значи во Вашиот секојдневен живот тоа што сега сте христијанка?
Одкако со библиско крштевање јавно ја изразив својата вера и станав член на Адвентистичката црква, моите животни борби не се помалкубројни. Но, сега полесно се справувам со нив бидејќи знам дека на мојот животен пат постојано го имам покрај себе мојот пријател, мојот Бог кој ми помага низ тешкотиите и ми подарува победа.

Запознавајќи го мојот Бог, станав и поголем хуманист но што бев порано. Секогаш и во секое време сакам да им помагам, да ги разберам и утешам оние што го заслужуваат тоа, а не го наоѓаат.

 

 

Утре читајте:
Миле Живков
Библија во Австралија

читајќи ја Библијата од една страна и споредувајќи го прочитаното со дневниот печат и вестите на телевизија, бев воодушевен од сознанието дека сето тоа запишано толку одамна се исполнува пред моите очи.

 

Моето лично искуство
Доколку сте адвентист/ка испратете ни го Вашето искуство и збогатете ја нашате рубрика.
isprati


„кој ја извршува Божјата волја останува довека!“
"...Често се гледавме и разговаравме за нашата вера во Бог. По кратко време почнавме заедно да ја посетуваме адвентистичката црква. Увидовме дека учењата на црквата се во потполна согласност со она што го читавме во Библијата..." (повеќе)

Искусете го Бога
"...Што подолго сте со Бога се повеќе го запознавате и се повеќе сте уверени дека сте на вистински пат. Сликата за Бога, која Тој самиот ми ја открива уште од почетокот на моето искуство, проучувајќи ја Библијата, станува се појасна и побогата. Ова е, би рекол, круцијално за еден христов следбеник" (повеќе)

„Впечатливо се сеќавам на една слика“
"...Најверојатно постојат повеќе фактори кои влијаеле на моите понатамошни одлуки, но, впечатливо се сеќавам на една слика. На сликата беше претставен Исус и две деца околу него. „Ова е Исус, тој и тебе многу те сака..." (повеќе)

Право на вечен живот
"...Она што ми го зема здивот беше правото на вечен живот кое го има секој човек преку смрта на Исус Христос" (повеќе)

 
Адвентистите во Светот Адвентистите во Македонија Верувања Литература Здрав живот Детско катче Најчести прашања Контакти
Почетна страна | Врати се на почетокот од оваа страна | Препорачај ја странава на пријател

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков