Миле Живков
Библија во Австралија

Се викам Миле Живков, пензионер. Работев 18 години во детската градинка „Орце Николов“ и од таму заминав во пензија. Имам две деца, син и ќерка и четири внуци.

Како за прв пат дојдовте во контакт со Библијата?
Пред многу години бев на работа во Австралија. Колегите со коишто работев беа македонци, битолчани. Ја читаа Библијата (jас тогаш и не знаев што е тоа Библија). Често пати за време на паузата разговараа за она што го читале, а јас од сето тоа ништо не разбирав. Дури некогаш кога ќе се поднапиев знаев да ги исмевам заради таа нивна навика. Но, по некое време се заинтересирав и почнав да ги распрашувам: што книга е тоа? Еден од нив ми понуди Библија и почнав и јас да ја читам кога си одев дома.

Така дојдов во контакт со Библијата и aдветнистите. Се дружев доста со нив додека бев таму.

После некое време се вратив во Македонија. Не знаев дали и овде постојат Адвентисти. Но, иако не знаев за нив дали нив ги има овде, продолжив да ја читам Библијата и се молев на Бога (и тоа ме научија колегите македонци во Австралија).

Кога се вратив во нашата татковина се вработив во градинката. Еден ден една од колешките ми зборуваше дека била во некоја црква и почна да ми зборува за тоа што и како тие верувале, па и јас и раскажав за моето познанство со Адвентистите во Австралија. И така некако бев поттикнат да ја побарам адвентистичката црква во Скопје. Почнав да ја барам според сознанијата кои ги имав каде се наоѓа, но не можев да ја најдам. Поминаа неколку дена и повторно се обидов, но без успех и тој ден. И по трет пат се решив да ја побарам, но претходно се помолив на Бога да ми помогне да ја пронајдам. Тогаш сретнав еден човек кој го прашав и тој ме упати кон неа. Беше работен ден и во зградата немаше никој. Чув само некого како свири на црковното пијано. Влегов. Се распрашав и сфатив дека сум дошол на бараното место. Бев многу радосен што конечно успеав да ја најдам.

Што беше тоа што Ве привлече?
Посебно ме привлекоа знаците на Второто Христово доаѓање. Во Библијата стојат Христовите зборови во кои е даден опис на состојбата на светот непосредно пред тој настан. Така, читајќи ја Библијата од една страна и споредувајќи го прочитаното со дневниот печат и вестите на телевизија, бев воодушевен од сознанието дека сето тоа запишано толку одамна се исполнува пред моите очи.

Библијата кажува дека на Земјата и претстојат тешки времиња, но и дека постои заштита и сигурност за секого кој е на Божјата страна. Јас одлучив да ја прифатам таа заштита и сега со сигурност гледам на се она што доаѓа на нас.

Што значи за Вас тоа што сега сте христијанин-адвентист?
Многу ми е подобро што сум Адвентист и има големи промени во мојот живот, промени кои се случија под влијание на Божјите зборови запишани во Библијата. Пред да станам Адвентист бев многу непријатен во зборувањето. Се молев на Бога да ми помогне да стекнам промена кога е во прашање тоа. И оттогаш па до сега никогаш повеќе од мојата уста не се слушнал лош збор.

Што би сакале да им порачате на вашите сограѓани?
На своите сограѓани им порачувам оваа прилика што Исус ни ја нуди да не спаси од гревот и смртта, да не ја пропуштат! Да ги отфрлат своите предрасуди кон Библијата и да ја проучуваат за лично да се уверат во вистинитоста на нејзините пораки.

 

 

Утре читајте:
Александра Арсовска
Растев со Исус

По природа сум многу темпераментна личност и од секогаш бев весела, но сега бев исполнета, исполнета зашто растев со Исус…

 

Моето лично искуство
Доколку сте адвентист/ка испратете ни го Вашето искуство и збогатете ја нашате рубрика.
isprati


Црквата од мојот сон
"......од ден во ден стоев пред домашната икона и се молев за здравје и благослов за мене и за моето семејство... но ситуацијата не се подобруваше..." (повеќе)

„кој ја извршува Божјата волја останува довека!“
"...Често се гледавме и разговаравме за нашата вера во Бог. По кратко време почнавме заедно да ја посетуваме адвентистичката црква. Увидовме дека учењата на црквата се во потполна согласност со она што го читавме во Библијата..." (повеќе)

Дали постои Бог?
"......не се работеше за тоа дека нешто ме привлече, туку мојот интерес за прашањето: „дали постои Бог?“. Отсекогаш ме мачеше таа мисла..." (повеќе)

„Одговорите доаѓаа по логичен ред“
"...Страниците од Библијата ми ја гаснеа жедта, зошто одговорите на дотогаш стотици поставени прашања во животот, доаѓаа по логичен ред" (повеќе)

 
Адвентистите во Светот Адвентистите во Македонија Верувања Литература Здрав живот Детско катче Најчести прашања Контакти
Почетна страна | Врати се на почетокот од оваа страна | Препорачај ја странава на пријател

Дизајн на сајтот и подготовка на дел од текстовите: Лазар Томовски. Веб дизајн и веб програмирање: Тони Матев
Лектура и подготовка на дел од текстовите: Никола Тасевски. Коректура: Драган Лазески.
Соработка: Михајло Гурев, Никола Христовски. Одговара: Томе Трајков